Hapag trails

Mag-iwan ng puna

Isa sa mga bago at sekretong trails na natagpuan namin mga ilang buwan na ang nakararaan. Sa Itaas ng bundok matatagpuan mo ang abandonadong bahay, kung saan naiwan pa ang Hapag kainan. Masukal at tulak ng bisikleta bago ka makarating sa pinakataas.

Pindutin para sa mga larawan







			

			
				

	
	




	
	

			
	

		
malunto hill /apung malunto

		

			 			Mag-iwan ng puna
						

	


		

		










Madalas o minsan kung saan pa yung malapit na lugar, yun pa ang di mo nagagalugad. Tulad nitong burol na makailang beses ko ng nadaanan ang gilid at paanan. Kung saan dito pala ay may isang napakalaking Bato na sa ibabaw ay patag.

Dito ay matatanaw at masisilayan mo ang nakapagandang tanawin. Tulad ng Clark, Tulay ng Sacobia (bago at luma), Ilog ng Sacobia, Bundok Arayat, Solar power plant, mga bulubundukin ng Pampanga at Tarlac. 
Maririnig mo rin ang huni ng mga Ibon, kuliglig, tilaok ng manok at iba pa. Sarap mag relaks :).   

Apung Malunto ang tawag nila (lokal) sa burol. Noong unang panahon ay may umaakyat dito upang mag alay ng panalangin tuwing mahal na araw.
Malunto Hill raw ang tamang pangalan ng burol ayun sa mga kaibigang bikers. 🙂
 
May mga  puno rin ng Alibangbang na pwede palang gawing pang asim o pang sigang sa mga lutuing bahay at masarap din daw sa papaitan.

 Naway ating maalagaan para lalong gumanda ang ating pasyalan. “

Para sa mga Larawan 
1. Solo exploride
2. Kasama ang Clark MTB at TICL

Pindutin para sa talaan ng paglalakbay (GPS)
Yung palikong bahagi sa mapa pagkalagpas ng tulay ng Sacobia ang lokasyon ng The Rock!



		
	
	

	
	




	
	

			
	

		
General mountain

		

			 			Mag-iwan ng puna
						

	


		

		









Pinudutin para sa nga larawan





Sa likod lamang po ulit ng Clark 🙂





Ayun sa mga kwento at sa mga kapatid nating Aeta, dito raw nagkuta at gumawa ng mga butas (tunnel) ang mga sundalong Hapon
noong panahon ng Ikalawang Digmaang Pandaigdig (WWII).





Mahigit limang taon na ang nakalilipas ng una kung marinig ang General Mountain sa tatay naman ni Master Jerome,
Matagal ng planong puntahan. subalit hindi matuloy tuloy.





Mabuti na lamang at nakilala namin si Tatay Amado at justin, noong unang mag explore sa bandang Haduan,
kung saan una rin naming nasilayan ang bundok Dinamulag. Sa intro Bideyo ng Mount Dinamulag https://youtu.be/Jg26rRoajaM
si Tatay Kosme ay mismong si Tatay Amado. Minsan kasi gamit nila ay apelyido at hindi ang pangalan,
katulad ni Tatay Sibal (apelyido rin). Si Tatay Amado rin ang nagturo sa akin/amin ng mga pangalan ng bundok na natatanaw buhat sa itaas ng Haduaan.





Matapos ang halos dalawang buwang pagpa plano ay natuloy rin 🙂





Isa sa magandang ma develop bilang tourist spot itong General Mountain.
Para sa mga Hikers, Mountain Biker o sa gusto lamang pumasyal.





  1. Ganda ng View sa itaas – tanaw mo ang mga katabing bundok at buong Clark.
    2, Japanese Tunnel – Isa lang ang nakita namin dahil yung iba ay sobra pang masukal.
  2. Fish spa -Habang nagpapahinga may nadaanan kaming malinis na Sapa sinubukan kung ibaba ang paa tubig , biglang naglapitan ang mga maliliit na isda. Kung hindi ako nagkakamali ito yung mga Garra Rufa na ginagamit sa fish spa. May mga malalaki ring palakang butete 🙂
  3. Pagluluto sa Kawayan / Bamboo Cooking – Kung saan pinakita sa amin ang pagluluto ng kanin at pang ulam (manok at baboy) gamit ang kawayan. At ilalatag sa dahon ng Saging ang pagkain na naka kamay o kaya gamit ang kutsara at straw na gawa sa kawayan (gawa ni butch).
  4. Buko at Napakatamis na Kaymito – Libre lamang sa bundok 🙂
  5. Puso ng Saging – Pinakita naman ni Justin kung paano kumuha ng Puso ng Saging. Karamihan ang alam natin na puso ay yung pula sa dulo ng bunga. Yun pala ay bago pa lamang lumabas ang bunga ng saging. Ang uri ng saging na ito ay yung maraming buto.. Naoakarami nito sa daan patungo at pabalik ng General Mountain.
  6. Trails – napakaganda at teknikal 🙂 Magandang mag ensayo at mamasyal 🙂
  7. Sapa/Tubig – Madadaanan mo rin pala ang mga sapa kung saan nagmumula ang tubig sa Haduan Falls





Nasa Mahigit kumulang 12.5km lang buhat sa Clark. Inabot kami ng mahigiit kumulang tatlong oras bago marating ang tuktok ng General Mountain.





Maraming Maraming Salamat kay Tatay Amado at Justin 🙂
Sa mga nagnanais na pumunta o pumasyal maari nyo pong puntahan sa Haduan
Si tatay Amado, ipagtanong nyo po lamang at kayo ay tiyak na kanyang sasamahan.





Maraming Salamat sa Diyos at ligtas naman kaming lahat.
Kasama ko pala ang grupo ng Clark Mountain Bikers at ilang kaibigan mula sa Bulacan. 🙂

	

	
	




	
	

			
	

		
Bundok Dinamulag

		

			 			Mag-iwan ng puna
						

	


		

		









GPS – https://www.strava.com/activities/3000128563

Pindutin para sa mga larawan





Bagong ruta na napakaganda. Mahigit 20 kilometrong padyakan buhat sa loob at pabalik ng Clark, Pampanga. Kompleto rekado ika nga. May matatarik na ahon at pababang teknikal na daan at sa lahar naman ang katapusan. Pwede mo ring lagareen ang ruta para sa medyo mahabang pababa (downhill). Tatlong beses naming sinubukan bago nabuo ang ruta ,at sa ikaapat ay may nadiskubreng bagong daan na tinawag naman namiing skyway. Dahil sa itaas makikita mo ang napakagandang tanawin, dalawang tulay ng Sacobia, Clark , Bundok Arayat at bulubundukin ng Pampanga at Tarlac. Syempre hindi mawawala ang napakasarap na BUKO. 🙂 #kurumbot #clarkmountainbikers #aetamountainbiker #madam

	

	
	




	
	

			
	

		
Mang Ben

		

			 			Mag-iwan ng puna
						

	


		

		


Pindutin para sa larawan 🙂


Mahigit isang taon na rin ang nakalilipas ng una namin itong masilayan habang nagbubutas ng daan (exploride). Kasama ko pa noon si Master Tisoy Jerome #aetamountainbiker


Unang pagkakataon na makakita ng napakaraming puno ng Buko dito sa Pampanga / Tarlac.

Nakatago lang pala ito sa likod ng Clark sa pagitan ng mga burol at bundok.


Bago marating, kailangan mo munang tumawid ng ilog/sapa at tahakin ang paanan ng bundok at ilang magubat na bahagi. Si Mang Ben ang nagmamay-ari ng lupain at bukohan .


Ngayon binalikan namin kasama ang Clark Mountain Bikers / TICL.

Limampung piso (50 pesos)  lang bawat isa ang binayad namin para sa walang sawang buko 🙂

	

	
	








	
	

			
	

		
Balatok Trail

		

			 			Mag-iwan ng puna
						

	


		

		




Pindutin para sa mga larawan 🙂


Ito ang isa sa paborito naming pasyalan, lalo na kapag nasasabik sa buko at kapag may bisita kaming kasama, Sa likod lang din ito ng Clark, Pampanga, mahigit 20km lamang balikan. Bago mo marating ay kailangan mo munang pumadyak sa gilid ng mga bundok, ilang masukal na bahagi at kailangan ding tumawid ng ilog. Dahil madalas kami sa lugar ay naging kaibigan na namin ang ilan sa mga nakatira dito. Bukod sa buko ay meron ring Kapeng barako ng batangas, Kakaw, Rambutan at Pomelo. Kasama ko pala rito ang mga kaibigan ko buhat sa Clark Mountain Bikers 🙂


Maraming Salamat po 🙂

	

	
	




	
	

			
	

		
Padyakan sa Bikol

		

			 			Mag-iwan ng puna
						

	


		

		


Maraming salamat sa mga nakasama kung Maphu Bikers 🙂

Mula umaga hanggang gabing padyakan 🙂


Mga Destinasyon.

Pandawan Mercedes

Mananap Falls, San Vicente

Nacali Falls, San Lorenzo Ruis

Bagasbas Beach, Daet

Camarines Norte.


Pindutin para sa mga Larawan


GPS

https://www.strava.com/activities/945558861 https://www.strava.com/activities/945558887		


	

	
	




	
	

			
	

		
Manggahan Trail

		

			 			Mag-iwan ng puna
						

	


		

		


Plano lamang sana naming rutahin ang daan para sa karera ng Reign to Glory.

Subalit naligaw kami kayat kung saan saan kami napasuot. 🙂 Kagandahan lamang ay maulan at maputek kaya’t tila mga naging batang nagtampisaw sa buhos ng ulan at sa malakas na agos ng sapa na tila naging ilog. Dumiretso rin pala kami sa Sitio Batson / Batzone para bisitahin ang mga kaibigan Aeta.


Sa likod lang din pala ito ng Clark at sa gilid kami ng Xevera kami dumaan.


Pindutin para sa mga larawan. 🙂


GPS Ruta ng Reign of Glory

https://www.strava.com/activities/1672839224

	

	
	

		
			
		

	

	




			
Mountain Biking Adventure :)