Maraming Salamat sa Poong Maykapal sa matagumpay at ligtas na paglalakbay kahit inabot ng gabi at ulan sa kabundukan. Ito ang kauna-unahan kung beses na makarating ang Mountain Province at Ifugao. Napanganga ako 😀 sa nakamamanghang kagandahan ng mga tanawin lalo na sa Sagada, Bontoc (Mountain Province) at Banaue (Ifugao). Ibang klaseng karanasan na tila kinakailangang balik balikan upang muling namnamin ang tamis ng paglalakbay.
Para sa GPS Map
1. Unang Araw – 154.9km – (Loaakan Airport – Sagada)
1.1. Sagada Tour (7.67km)
2. Ikalawang Araw – 64.53km (Sagada – Bontoc – Banaue) Mahigit 8 oras 🙂
2.2 Banaue Tour (3.49km)
Gamit/Gears – Back pack, Saddle bag (rear and front), hydration 2.0 liters + water bottle. cellphone, camera, power bank, lights, extra battery, emergency blanket, rain coat,wind breaker, bike tools + pocket MONEY 🙂
Gulong – 2.1 (any size po pwede naman almost road naman)
Video Setup – 1 action cam (helmet) + 1 digicam
Tools – Patch kit, spare tubes & multi tools.
Eat – Along the way marami naman po makakainan sa mga bayang madadaanan o tindahan + me baon din akong ilang chocolates ; bread / sky-flakes 😀
1. Luyongs Restaurant – Breakfast – Malaki at masarap na siopao
2. AL’s Retaurant – Lunch
3. Gavino Stop Over Restaurant – Advance Dinner 😀
4. Meryenda bawat stop over sa mga small stores at bago umakyat ng Sagada at pagdating ng Sagada.
Rest/Sleep – Sa mismong destinasyon marami pong lodge / motel 250 pesos above both Sagada and Banaue.
Preparation – Padyak lang po ng padyak ng malalayong lugar at mag ensayo din sa mga akyatan. Research sa lugar na pupuntahan, Magtanong sa mga kakilala o kapwa biker na nakarating na sa lugar.
Dagdag Tips,
1. Weather check bago ituloy ang pagpadyak.
2. Dasal before and after the Ride 🙂
3. Take it easy relax and enjoy the view. Wag pwersahin baka di kayanin. Mahaba pa ang ahon itulak o akayin ang bisikleta.
4. Mag ingat sa Downhill /Pababa
5. Wag masyadong gumilid at mag ingat sa mga bato /falling rocks at sa bangin.
6. Pag ginabi mag ingat sa mga ASO. Andaming Aso pag gabi 😛
7. Wag masyadong mabigat ang laman ng bag sa likod.
8. Kumain bago magutom at uminom bago mauhaw. + magpahinga bago mapagod 🙂
Kapag nasa Sagada maari nyo po palang kontakin si Maks bilang tour guide. Sa Banaue po pala walang ATM machine habang sinusulat ko ang pahinang ito. Doble ingat din po pala sa mga aso lalo na kapag inabot ng gabi sa kabundukan kinakailangang mapagmatyag at mag dahan dahan dahil minsan ay may mga baka na nasa gitna ng madilim na daan at napagkamalan ko pang kapre o tikbalang 🙂 😛
Paglalakbay Gamit ang Bisikleta 